.
.
იმ ეპოქაში, როცა მომსახურებების როლი მსოფლიო ეკონომიკებში მუდმივად მზარდია, მომხმარებლის კმაყოფილების მიღწევა კი – სულ უფრო და უფრო რთული, ბრენდინგი ბიზნესის წარმატების კიდევ უფრო მნიშვნელოვან ნაწილად გვევლინება. მომსახურებების პრივატიზაციასთან ერთად, მარკეტერებმა აღმოაჩინეს, რომ პროდუქტებისა და მომსახურებების ბაზარზე მიწოდებას შორის არსებობს განსხვავებები, რომლებიც მომსახურების სფეროში მოღვაწე ბიზნესებისთვის დამატებითი თავის ტკივილის, ახალი გამოწვევების გაჩენის მიზეზია და ამ გამოწვევებთან ბრძოლის სისტემიზირებული, მოწესრიგებული გზებიც შეიქმნა.
ტრენინგი სწორედ მომსახურების ინდუსტრიაში მოღვაწე ბრენდების მართვას შეეხება. დეტალურად ვისაუბრებთ იმ განსხვავებებზე, რომელსაც მომსახურებებისა და პროდუქტების ბრენდებს შორის ვაწყდებით, განვიხილავთ მომსახურების ბრენდების მთავარ მდგენელებსა და მათი სწორად მართვის პრინციპებზე ვისაუბრებთ.
ვინაიდან მომსახურების ბრენდინგში ყველაზე მნიშვნელოვანი თავად მომსახურებაა, 2 დღიანი ტრენინგიც უმეტესწილად მომსახურების ხარისხზე, მომხმარებლის აღქმაზე, თანამშრომლების როლზე და მომხმარებლის მოლოდინებზე კონცენტრირდება.
ვისთვის არის განკუთვნილი ტრენინგი :
მომსახურების სფეროში მოღვაწე ბიზნესმენებისთვის, მომსახურების სფეროში დასაქმებული ადამიანებისთვის- მარკეტინგის, ადამიანური კაპიტალის ან კომუნიკაციის ნებისმიერი დეპარტამენტის ყველა იმ თანამშრომლისთვის, ვისაც ხელეწიფება კონკრეტული ცვლილებების ინიცირება და დანერგვა ორგანიზაციაში. მათთვის, ვისთვისაც მომსახურების ბიზნესის ყოველდღიური თავისტკივილებისთვის სახელის დარქმევა, პრობლემებისა და გამოწვევების სრული სურათის დანახვა და მათი გადაჭრის გზებისა და ხელსაწყოების ცოდნა არის მნიშვნელოვანი.
მათთვის ვინც ყველაფერს აკეთებს, მაგრამ მომხმარებლის სრულ კმაყოფილებას მაინც ვერ აღწევს და ამის მიზეზის გაცნობიერებაში სჭირდება დახმარება.
მოკლედ, მათთვის, ვისაც სჯერა, რომ მომსახურების ბრენდინგში თავად მომსახურებაა ბრენდინგი.
რა არის ბრენდი/ბრენდინგი: მისი მნიშვნელობა და სტრატეგიული დანიშნულება
- განსხვავება პროდუქტებისა და მომსახურების ბრენდების მართვას შორის, ძირითადი გამოწვევები
- მარკეტინგული კომპლექსი პროდუქტებისა და მომსახურებებისთვის
- პროდუქტი და მისი შემადგენელი ნაწილები
- ნაპრალების მოდელი და მისი მნიშვნელობა მომსახურების ხარისხის მართვაში
როგორ ეძებს, ირჩევს, იძენს, გამოცდის და აფასებს მომსახურებას მომხმარებელი
- მასლოუს (არა)იერარქიული პირამიდა მარკეტერებისთვის
- მომსახურების მარკეტინგი, როგორც თეატრალური წარმოდგენა
- შემწყნარებლობის ზონა და მასზე მოქმედი ძირითადი ფაქტორები
- მომხმარებლის კმაყოფილება და მომსახურების ხარისხის ატრიბუტები
- მომხმარებლის კმაყოფილებისა და უკმაყოფილების ძირითადი მიზეზები
- მომსახურების ორგანიზაციებში
- მომსახურებასთან შეხების წერტილები და მისი კასკადის დიზაინი
მომხმარებელთან ურთიერთობის შენების მნიშვნელობა და ფაზები
- მომსახურების განდეტალების მნიშვნელობა და მისი შედგენის წესი
- ურთიერთობის „მარწუხები“
- შეცდომების გამოსწორების მნიშვნელობა და მათი თავიდან არიდების სტრატეგიები მომსახურებაში
- მომსახურების სტანდარტიზაცია
- მომსახურების გარემოს როლი მომხმარებელთა კმაყოფილებაში
- თანამშრომელთა როლი მომხმარებელთა კმაყოფილებაში
- მომსახურების სამკუთხედი
- კონფლიქტები, რომელიც ამცირებს მომხმარებლის კმაყოფილებას
- მოთხოვნა-მიწოდების კონტროლის ძირითადი მექანიზმები მომსახურებებში
- „მომხმარებელი მოლოდინის რეჟიმში“
- შინაარსის მნიშვნელობა კომუნიკაციაში
.
თარიღი: 15-16 თებერვალი, 2020
საფასური
® გთხოვთ, შეავსოთ სარეგისტრაციო ფორმა
