.

ბიზნესმენებმა კარგად იციან, რომ მომხმარებლისთვის პოზიტიური გამოცდილების შექმნა კარგ გავლენას ახდენს მათ შემოსავალზე. თუმცა  ხშირად ბიზნესის მართვის დროს კლიენტების მომსახურების ფაქტორი ბოლო ადგილს იკავებს.

წაიკითხეთ თუ რატომ არის მნიშვნელოვანი კლიენტების მომსახურება:

  1. ზრდის კომპანიის ფასეულობას – კლიენტების მომსახურების პროგრამა უნდა ეყრდნობოდეს მომხმარებლების კარგად მოპყრობის პრინციპებს, მათ კითხვებზე სწრაფ და ამომწურავ პასუხებს და ასევე მათი მოლოდინების გამართლებას. ეს მიდგომა ბიზნესის მფლობელებისათვის საუკეთესო საშუალებაა მომხმარებელთან მჭიდრო ურთიერთობის ჩამოყალიბებისათვის.
  2. მომხმარებლების შენარჩუნება – ერთგული მომხმარებლის შენარჩუნება კომპანიას გაცილებით უფრო იაფი უჯდება ვიდრე ახალი მომხმარებლის მოზიდვა. ერთ-ერთი კვლევის მიხედვით, ახალი მომხმარებლის მოზიდვა 7-ჯერ უფრო ძვირი უჯდება კომპანიას ვიდრე ძველი, კმაყოფილი მომხმარებლის შენარჩუნება. როდესაც ბიზნესი სანდოა, კმაყოფილი მომხმარებელი ხდება ერთგული მყიდველი.

მხარდაჭერა – ერთგული მომხმარებელი უზრუნველყოფს პოზიტიური განწყობისა  და  ონლაინ მიმოხილვის (reviews)  გავრცელებას. ერთგული მომხმარებელი დაახლოებით 10 ჯერ უფრო ფასეულია ვიდრე მათ მიერ განხორციელებული პირველი შენაძენი. კვლევა აჩვენებს, რომ ადამიანები  ოჯახისა და მეგობრების რეკომენდაციებს უფრო  ეყრდნობიან ვიდრე სარეკლამო მესიჯებს.

97 %  აუცილებლად გააზიარებს თავის პოზიტიურ გამოცდილებას  კლიენტების კარგი მომსახურების შესახებ

70 %  დახარჯავს ფულს კომპანიაში, სადაც კლიენტების საუკეთესო მომსახურების ხარისხია

24 %  ორი ან უფრო მეტი წლის შემდეგ აუცილებლად დაუბრუნდება იმ ბიზნესს, სადაც მან მიიღო პოზიტიური გამოცდილება კლიენტების ეფექტური მომსახურების მეშვეობით

29 % შეეცდება ახალ კომპანიაში მიიღოს კლიენტების უფრო ეფექტური მომსსახურების სერვისი

  1. ხელს უშლის ბიზნესის ჩავარდნას – დაახლოებით 96 პროცენტი ამერიკული ბიზნესის იხურება 10 წლის განმავლობაში, რაც გამოწვეულია ხშირ შემთხვევაში კლიენტთა ცუდი მომსახურების სერვისებით. მყიდველებს იმედი უცრუვდებათ ისეთ უმნიშვნელო მიზეზებზე როგორიცაა შეუსაბამო კომუნიკაცია მომხმარებელთან, პასუხის გაცემის დაყოვნება ან მათი მოთხოვნების დაიგნორება.
  2. ამცირებს დასაქმებულთა ბრუნვას – დასაქმებულებს ყოველთვის იზიდავს პოზიტიური გარემო, ისეთი კომპანიები სადაც გათვალისწინებულია მომხმარებელთა ინტერესები, ფასდება ახალი იდეები და დადებითი სამუშაო გარემოა. ისეთ კომპანიებში, სადაც კლიენტების ეფექტური მომსახურებაა დანერგილი, დასაქმებული უფრო ჩართული ხდება სამუშაო პროცესში, მოტივირებულია საუკეთესოდ შეასრულოს თავისი მოვალეობები და იზრუნოს თავისი კომპანიის იმიჯზე. ისინი მიჯაჭვულები ხდებიან ასეთ კომპანიებზე, მიუხედავად ბიზნეს პრობლემებისა და ეკონომიკური გამოწვევებისა.
©️ წყარო: Ameritasinsight

დამატებითი ინფორმაცია მომსახურების მნიშვნელობის შესახებ შეგიძლიათ მიიღოთ ტრენინგზე: სერვის ბრენდინგი